Zvicra barazon me Poloninë, 2:2

Nga shqiptarët, kësaj here janë angazhuar: Shaqiri, Behrami, Kasami dhe Mehmedi. Xhaka dhe Xhemaili kanë munguar për shkak të lëndimeve

Zvicra e ka përfunduar me rezultat të barabartë, 2:2  ndeshjen miqësore kundër Polonisë, të luajtur e Breslau-n polak. Në një ndeshje mjaft atraktive, të ndjekur nga më shumë se 40 mijë spektatorë të zjarrtë polak, dy golat për Zvicrën i kanë shënuar Drmic dhe Frei.

Nga shqiptarët, kësaj here janë angazhuar: Shaqiri, Behrami, Kasami dhe Mehmedi. Xhaka dhe Xhemaili kanë munguar për shkak të lëndimeve.

Drmic e ka shënuar golin vetëm 4 minuta pas fillimit të ndeshjes, pas asistimit të Shaqirit ndërsa Frei golin e dytë, 3 minuta para përfundimit, gjegjësisht në minutën 87.

Për Zvicrën kanë pasur shanse të shënojnë gola rreth minutës 40 tre futbollistë njëri pas tjetrit: Lang, Drmic dhe Kasami.

Rezultati 2:2 ka qenë një pasqyrë reale e nivelit të treguar të të dyja ekipeve në fushë. Trajneri i Zvicrës Petkovic në ndeshjen e kundër Polonisë ka bërë ndërrimin e pozicioneve të shtatë lojtarëve në krahasim me ndeshjen kundër Lituanisë, të luajtur javën e kaluar.