Zvicra aktivizon deri në 8000 ushtarë për mbështetjen e masave ndaj koronavirusit

Këshilli Federal ka miratuar përdorimin e një numri prej maksimalisht 8,000 pjesëtarëve të ushtrisë për të mbështetur kantonet në punën në spitale, logjistikë dhe siguri.

Këshilli Federal në kuadrin e masave të posashpallura të gjendjes së jashtëzakonshme ka vendosur gjithashtu që të kontrollojë kufijtë me Gjermaninë, Austrinë dhe Francën.

Kjo do të praktikohet që nga mesnata e sotme, me ç`rast do të vendosë ndalimet e hyrjes me përjashtime, shkruan srf.ch.

Qeveria, qysh të premten i kishte futur në fuqi kontrollet kufitare të Shengenit për udhëtarët nga Italia, transmeton albinfo.ch.
Vetëm qytetarët zviceranë, njerëzit me leje qëndrimi në Zvicër dhe njerëzit që duhet të udhëtojnë për në Zvicër për arsye profesionale mund të hyjnë në Zvicër nga katër vendet e mëdha fqinje.

Po ashtu bëhet e ditur se Këshilli Federal ka miratuar përdorimin e një numri prej maksimalisht 8,000 pjesëtarëve të ushtrisë për të mbështetur kantonet në punën në spitale, logjistikë dhe siguri, për aq sa këto lidhen me luftimin e koronavirusit.

---