Zvicra, 71.2 miliardë franga për shëndetësinë

Shpenzimet e Zvicrës në shëndetësi për kokë banori gjatë vitit 2014 janë sjellë rreth 724 franga për persona në muaj,

Kostoja e gjithmbarshme e shëndetësisë në Zvicër sipas Zyrës Federale për Statistika gjatë vitit 2014 është rritur për 2.8% në krahasim me një vit më parë duke arritur në 71.2 miliardë franga. Kjo rritje është nën trendin e shënjuar në pesë vitet e fundit, kur rriteshin mesatarisht nga 3.3% në vit. Ndërkohë që rritja ekonomike e Zvicrës në vitin 2014 ka qenë 1.2%.

Kostoja e spitaleve dhe e shtëpive të pleqve është rritur për 2.2 respektivisht 2.3 për qind.

Nga shtimi i kostos brenda një viti prej 1.9 miliardë më shumë se tri të katërtat i ka marrë rritja e të dhënave për mjekët, spitalet dhe shtëpitë e pleqve të cilat të gjitha së bashku përbëjnë 72.2 për qind të shpenzimeve për shëndetësinë në Zvicër.

Shpenzimet e Zvicrës në shëndetësi për kokë banori gjatë vitit 2014 janë sjellë rreth 724 franga për persona në muaj, ose 11 franga më shumë se në vitin paraprak.