Zvicra, 2:1 kundër Ekuadorit, i pari shënoi Mehmedi

Mehmedi është bërë kështu shqiptari i parë që ka shënuar në një botëror. Golin e dytë pas asistimit të Behramit dhe Rodriguezit e shënoi Seferovic në minutën 92

Fillimi i lojës ishte i nivelizuar por me një epërsi të vogël të ekuadorianëve. Dhe kjo epërsi u materializua shpejt me golin që Ekuadori e shënoi në minutën e 20. Edhe pjesa tjetër, e mbetur e gjysmëlojës së parë, me gjithë përpjekjet e zviceranëve, rrodhi me një epërsi të Ekuadorit. U desh fillimi i pjesë së dytë dhe hyrja e Mehmedit në lojë që Zvicra të marrë iniciativën. Ishte minuta e 48 kur Mehmedi i përmalluar për angazhim në kombëtare e shënoi golin e barazimit.

Mehmedi është bërë kështu shqiptari i parë që ka shënuar gol në një botëror.

Në vazhdim Zvicra, kryesisht përmes treshes shqiptare: Shaqiri, Xhaka dhe Mehmedi ka bërë “invazion” në portën e kundërshtarit por pa mundur të shënojë golin e epërsisë.

Në minutën e 69-të Drmic shënoi por gjyqtari tregoi se ishte në pozitë jashtë loje kështu që ndeshja vazhdoi me rezultatin 1:1.

Në vazhdimin prej 3 minutash, Zvicra siguroi fitoren. Seferovic shënon dhe 2: 1 për Zvicrën.

Nga pesë futbollistët shqiptarë, kësaj radhe jashtë fushës ka mbetur vetëm Blerim Xhemaili. Të katër lojtarët tjerë: Shaqiri, Mehmedi, Behrami dhe Xhaka janë dalluar gjatë gjithë ndeshjes me angazhimin e tyre sidomos në sulm.