Zviceranët “vërshojnë” hotelet gjermane

Gjatë pesë muajve të parë të vitit janë realizuar 2.2 milionë bujtje të zviceranëve në Gjermani

Forcimi i frangut në raport me euron, nga janari i këtij viti ka bërë që për zviceranet çmimet e prodhimeve dhe shërbimeve në vendet fqinje (veçmas në Gjermani) të bëhen edhe më atraktive. Edhe para kësaj, fenomeni i “turizmit të shopingut” të zviceranëve në vendet fqinje ka qenë mjaft i shprehur ndërsa nga janari i këtij viti ai ka marrë përmasa edhe më të gjera.

Për turistët që shkojnë të “bëjnë pazare” në Gjermani është shkruar shumë në të dyja anët e kufirit dhe madje ka pasur edhe shprehje pakënaqësie nga qytetarët gjermanë afër kufirit. Por më pak është shkruar për përmirësimin e afarizmit të hoteleve gjermane falë shtimit të numrit të bujtjeve të turistëve zviceranë atje.

Qendra Gjermane për Turizëm ka regjistruar një rritje të konsiderueshme ne këtë drejtim. Gjatë pesë muajve të parë të vitit janë realizuar 2.2 milionë bujtje të zviceranëve në Gjermani. Dhe kjo është një rritje prej 11 për qind në krahasim me periudhën e njëjtë të një viti më parë, thotë për “Schweiz am Sonntag zëdhënësi i kësaj organizate. Me këto shifra, zviceranët zënë vendin e dytë pas holandezëve në listën e turistëve që realizojnë bujtje në Gjermani