Zvicër: Rënie e ndjeshme e shkallës së vaksinimit

(KEYSTONE/Laurent Gillieron)

Ritmi i vaksinimit në Zvicër ka rënë ndjeshëm që nga mesi i qershorit dhe grupi i njerëzve të gatshëm për t’u vaksinuar së shpejti mund të shterohet, sipas transmetuesit publik zviceran RTS, përcjell albinfo.ch.

Nëse trendi nuk përmbyset, kjo do të thotë që përqindja e popullatës së vaksinuar ka më shumë të ngjarë të përfundojë në 60% sesa caku i deklaruar i ministrit të Shëndetësisë, Alain Berset, prej 80%, raporton RTS në një analizë të statistikave të fundit nga Zyra Federale e Shëndetit Publik ( FOPH).

Numri i dozave të vaksinave të administruara ka rënë nga një rekord i lartë prej gati 650,000 në javën e dytë të qershorit në nën 450,000 tri javë më vonë – një rënie prej 30%. Ai ka rënë nga një kulm prej rreth 90,000 injektime në ditë në 63,000 (javë që përfundon më 4 korrik), përcjell tutje albinfo.ch.