Nga 1 milion e 600 mijë vaksinime, vetëm 1174 me efekte anësore

68.3 përqind e rasteve të përfshira kanë prekur gratë. Mosha mesatare e të prekurve ishte 64.9 vjeç, ku 41.7 për qind janë të moshës 75 vjeç ose më të vjetër

Deri më tani, Swissmedic në rreth 1000 vaksinime ka marrë mesatarisht më pak se një raport të dyshuar për efekte anësore të padëshirueshme.

Thënë ndryshe, pas rreth 1.6 milion dozave të injektuara, deri të Dielën e Pashkëve janë raportuar gjithsej 1174 raste me efekte anësore të padëshirueshme të vaksinave Covid 19, shkruan srf.ch.

Këtë njoftim e ka bërë sot autoriteti zviceran i produkteve terapeutike, Swissmedic, transmeton albinfo.ch. Rastet me e efekte të padëshirueshme anësore vinin pothuajse në mënyrë të barabartë, si nga vaksinat Pfizer / Biontech ashtu dhe nga ato Moderna.

Është interesante se 68.3 përqind e rasteve të përfshira kanë prekur gratë. Mosha mesatare e të prekurve ishte 64.9 vjeç, ku 41.7 për qind janë të moshës 75 vjeç ose më të vjetër.

Sipas Swissmedic, dy të tretat e raporteve (66.3 për qind) nuk janë konsideruar serioze, përcjell albinfo.ch. Në 396 raste që janë vlerësuar si serioze, të prekurit është dashur të trajtoheshin në spital.

---