Zvicër, burgjet të stërmbushura

Nga viti 1999 deri në vitin 2013 është regjistruar një shtim prej 35 për qind i personave të moshës madhore që vuajnë dënimet në burgjet zvicerane

Burgjet në Zvicër ka kohë që e kanë kaluar numrin e të burgosurve që është i lejueshëm sipas standardeve të përcaktuara për vendosjen e tyre. Siç tregojnë shifrat e publikuara sot nga Enti Federal Statistikor, në shtatorin e vitit të kaluar në këto burgje ishin “strehuar” 7072 persona të moshës madhore, që është për 24 më shumë se numri i vendeve që zyrtarisht janë në dispozicion, shkuan zz.ch.

Ndërsa trendin e shtimit të numrit të të burgosurve në Zvicër e tregon sidomos statistika mbi numrin e të dënuarve të cilët  gjenden në vuajtje të dënimit. Nga viti 1999 deri në vitin 2013 është regjistruar një shtim prej 35 për qind i personave në fjalë.

Nga ana tjetër numri i të miturve që vuajnë dënimin në burgjet zvicerane ka shënuar një zvogëlim të ndjeshëm. Nga viti 2012 deri në vitin 2013 ka pasur 9% më pak të mitur në burgjet zvicerane ndërsa nga viti 2011-2013 madje 25% më pak.