Zug, qyteti i parë zviceran që pranon monedhën virtuale Bitcoin

Zug nis pilot projektin me valutën virtuale Bitcoin. Deri në fund të vitit mund të paguhet deri në ekuivalentin 200 franga me valutën Bitcoin në sportelet e administratës komunale.

(KEYSTONE/Urs Flueeler)

Projekti është lansuar para mediave. Kryetari në Zug, Dolfi Müller (PS), tha për SDA se pas testit gjashtëmujor të autoriteteve komunale kemi vendosur futjen definitive ose zgjerimin e projektit me Bitcoin, përcjell albinfo.ch.

Bitcoin ose monedhat e tjera digjitale më vonë do të pranohen si pagesa për shërbimet e tjera komunale.
Vendimi i qytetit zviceran Zug dy muaj më parë për të pranuar Bitcoin për pagesa kishte çuar në një “interesim të medias në gjithë botën.

Zug, qyteti me  30 mijë banorë, në fund të vitit  do të marrë vendim nëse do të zgjerojë pagesën me monedhën digjitale edhe në fusha të tjera.

Vitin e kaluar më shumë se 15 kompani digjitale nga sektori financiar kanë ngritur bizneset e tyre në Zug.

“Bitcoin” është një rrjet që mundëson një sistem të ri të pagesave dhe është para tërësisht digjitale. Ai është rrjeti i parë i decentralizuar i rrjetit të pagesave ‘peer-to-peer’ që është e kontrolluar nga përdoruesit e saj dhe jo nga ndonjë autoritet qendror apo ndërmjetësues.