Zogiani dhe Krasniqi, ligjërata para studentëve të Cyrihut

Do të ligjërojnë Avni Zogiani, nga organizata ÇOHU dhe Vjollca Krasniqi, sociologe dhe filozofe në Universitetin e Prishtinës

Shoqata “Studenti” që bën bashkë studentët shqiptarë të universiteteve dhe shkollave të larta të Cyrihut, ka organizuar një ligjëratë me dy personalitete të mirënjohur të jetës shoqërore dhe të OJQ-ve nga Kosova.

Para studentëve shqiptarë do të ligjërojnë Avni Zogiani, bashkëthemelues i organizatës për Demokraci, Anti-Korrupsion dhe Dinjitet (ÇOHU) dhe Vjollca Krasniqi, sociologe dhe filozofe në Universitetin e Prishtinës.

Tema për të cilën do të ligjërojë Zogiani ka të bëjë me organizatat jo-qeveritare ne Kosovë ndërsa Krasniqi do të ligjërojë temën „Gjinia dhe zhvillimi i qëndrueshëm”.

Kryesia e shoqatës “Studenti” fton me këtë rast studentët dhe të interesuarit tjerë që të jenë të pranishëm në këtë ligjëratë!

Ligjëratat mbahen ditën e enjte, më 29. shtator 2011, duke filluar nga ora 18:20 në adresën: Universität Zürich, Rämistrasse 71, 8006 Zürich.

Për pyetje të ndryshme mund të kontaktohet në këtë adresë elektronike: [email protected]