Zjarr i madh në Gjenevë, shpërngulen 100 veta nga banesat e tyre

Zjarri shpërtheu fillimisht në katin e katërt të një ndërtese në kryqëzim rrugësh. Gjithsej janë 34 persona të lënduar apo të intoksikuar. Gjashtëmbëdhjetë u transportuan në spital duke përfshirë edhe një viktimë që ka pësuar djegie të rënda.

Një zjarr i madh shpërtheu në katin e katërt të një ndërtese që ndodhet rruge Quai Ernest-Ansermet , numër 36, të dielën më 1 janar. E gjithë ndërtesa është evakuuar nga 100 banorët e saj. 34 veta janë plagosur ose të intoksikuar. Gjashtëmbëdhjetë persona janë evakuuar në spitalin kantonal, dhjetë prej të cilëve me urgjencë. Midis tyre, tetë fëmijë janë helmuar nga tymi dhe një person është djegur rëndë,  i cili është dërguar me helikopter në spitalin CHUV në Lozanë.

Mjete të konsiderueshme janë angazhuar për këtë ndërhyrje të madhe: 13 makina të zjarrfikëseve, 32 zjarrfikës profesional (SIS),  14 vullnetarë dhe 24 policë. Mjete shëndetësore janë aktivizuar gjithashtu: Samaritanët, tetë ambulanca  të Gjenevës, dhe katër ambulanca nga Vaud-i.