Lajme
Zgjedhjet në Kosovë u manipuluan në mënyrë të organizuar

Një kritikë e rëndë është lëshuar nga raportuesja e Parlamentit Evropian për Kosovën, Ulrike Lunacek, për zgjedhjet parlamentare. Këto zgjedhje që ende nuk kanë mbaruar janë vlerësuar nga ajo si zgjedhje jolegjitime që nuk i kanë plotësuar standardet ndërkombëtare, e që e dëmtojnë demokracinë e Kosovës dhe imazhin e saj.
Gjatë një interviste për “Kohën Ditore”, në emër të delegacionit mbikëqyrës ajo ka thënë se nga këto zgjedhje nuk mund të priten institucione të qëndrueshme dhe se parlamentarët e ardhshëm duhet ta kenë parasysh se janë zgjedhur nga një proces jo i rregullt.
Sipas saj, manipulimi i zgjedhjeve nuk ishte spontan dhe se grupe të organizuara i manipuluan ato. “Këto grupe duhet të japin përgjegjësi ligjore. Edhe njerëzit e këtyre grupeve duhet ta kuptojnë se nuk është e lejueshme ajo që e kanë bërë dhe se qytetarët e këtij vendi nuk e lejojnë një gjë të tillë. Disa njerëz nuk kanë dashur që procesi të jetë i rregullt. Por, kjo nuk dëshmon se shoqëria kosovare nuk deshi një proces të rregullt. Shumë njerëz deshën që procesi të jetë i duhuri. Nga të gjitha nivelet e shoqërisë ka njerëz të shqetësuar që duan proces të rregullt”.
Europarlamentarja austriake nuk sheh jetë të gjatë të Kuvendit të ardhshëm të Kosovës. Lunacek ka folur edhe për imazhin e Kosovës pas këtyre zgjedhjeve. “Më vjen keq ta them, por në këto dy palë zgjedhje u dëmtua rëndë imazhi i Kosovës dhe ky fakt mund të ndikojë për të keq në hapat që e presin Kosovën drejt BE-së”, ka thënë Lunacek.
E-Diaspora
-
Ulen dënimet e kosovarëve të akuzuar për skllavërim të grave: Mungojnë faktet Gjykata e Lartë e ka rrëzuar ankesën e ish bashkëshorteve. Kryetari i trupit gjykues thotë se...
-
Konflikt mes shqiptarëve në Itali, vritet me thikë 35-vjeçari
-
Autoshkollë e re në Winterthur, flasin edhe shqip!
-
Kënga “Mora fjalë’ jehon në sheshin e Mynhen-it
-
Shqiptari nga Maqedonia, delegat i ri në UEFA
Jeta në Austri
-
Hetimi për aksidentin ajror në Graz në 2024 i kalon Zvicrës Autoritetet zvicerane kanë marrë zyrtarisht përsipër hetimin për aksidentin e fluturimit të kompanisë Swiss në Graz,...
-
Austri: Nxënësi 15-vjeçar pranon se ka dërguar kërcënime për bomba në tre shkolla
-
Pas Zvicrës edhe Austria i reagon Gjermanisë për kontrollet kufitare
-
Austri: Përfitimet e familjes dhe të fëmijëve të ngrira deri në vitin 2027
-
10 mitet e çiklizmit që nuk duhet t’i besoni në Austri