Zëvendëskryeministri i Maqedonisë së Veriut flet pas dorëheqjeve të ministrave

Artan Grubi, Facebook

Zëvendëskryeministri i Maqedonisë së Veriut, Artan Grubi, ka thënë se vendimi i BDI-së për deponim të dorëheqjeve nga Qeveria ka ardhur në të mirë të integrimeve të shtetit tonë në Bashkimin Evropian.

“Në qoftë se ne shkojmë në opozitë, me ç’rast, opozita do t’i kishte votuar ndryshimet kushtetuese, pasi që nevojiten 2/3 në Kuvend, ne kemi thënë që për të ardhmen e vendit tonë jemi të gatshëm të ngremë dorë edhe nga qeveria e përkohshme, edhe nga kryeministri shqiptar, edhe nga mandatet tona. Çdo gjë që është marrëveshje politike e koalicionit, ne heqim dorë vetëm me kusht që opozita maqedonase t’i votojë ndryshimet kushtetuese”, tha Grubi, përcjell albinfo.ch.

Grubi tha se me këtë vendim, BDI-ja i ka hapur rrugë opozitës maqedonase që të votojë për ndryshimet kushtetuese, tha ai në T7.