Zelensky do të mbaj fjalim në Asamblenë Federale të Zvicrës

EPA/SERGEY DOLZHENKO

Bëhet e ditur se presidenti ukrainas do t’i drejtohet Asamblesë Federale të Zvicrës gjatë seancës verore, e cila do të mbahet midis 30 majit dhe 16 qershorit. Kështu bënë të ditur sot, të premten, shërbimet e Kuvendit të Zvicrës. Data e saktë e ndërhyrjes, e planifikuar me videokonferencë, ende nuk dihet dhe do të bihet dakord me Kievin, përcjell albinfo.ch.

Zyrat e Asamblesë Kombëtare dhe Këshillit të Shteteve i dhanë dritën jeshile një kërkese të bërë më 3 maj nga ambasada e Ukrainës në Bernë.

Që nga viti 1970, 28 folës të ftuar i janë drejtuar dhomave federale (shih listën në www.parlamento.ch), duke përfshirë krerët e shteteve, përfaqësues të organizatave ndërkombëtare, ministra por edhe dy historianë, dy arkitektë (njëri është Mario Botta) dhe një filozof.  Fjalimi i fundit daton në vitin 2018 dhe u mbajt nga ish-këshilltarja e Shteteve Liliane Maury Pasquier, si Presidente e Asamblesë Parlamentare të Këshillit të Evropës.