Bota

Zbulohet banda kriminale e kibernetikës

E enjte, 16 Maj 2019 - 17:40 albinfo.ch

Agjencia Evropiane e Policisë (EUROPOL) ka zbuluar një bandë kriminale, me shtrirje ndërkombëtare, e cila përdorte viruse kibernetike për të vjedhur deri në 100 milionë dollarë nga më shumë se 40.000 viktima.

Një operacion kompleks i policisë kreu hetime në SHBA, Bullgari, Gjermani, Gjeorgji, Moldavi dhe Ukrainë.

Pjesëtarët e bandës, përmes infektimit të kompjuterëve me virus, merrnin detajet bankare në internet dhe pastaj hynin në llogaritë bankare.

Banda u krijua nga kriminelë që prezentuan aftësitë e tyre në forume online.

Detajet e operacionit u prezentuan në selinë e Agjencisë Evropiane të Policisë në Hagë.

Në njoftim u tha se hetimi ishte i pashembullt, veçanërisht në aspektin e bashkëpunimit ndërkufitar.

Në mesin e viktimave ishin bizneset e vogla, zyrat ligjore, korporatat ndërkombëtare dhe organizatat jofitimprurëse.

 Të ngjashme

Shkatërrohet rrjeti që kontrabandonte emigrantë nga Ballkani drejt Evropës

 Të tjera nga Bota

Evropa rritet, pavarësisht se ka më shumë vdekje se lindje

 E-Diaspora

 Jeta në Austri