Zbritje masive çmimesh në Migros dhe Coop, frangu i fortë si shkak

Në këtë periudhë të shkurtë është hera e dytë që Migrosi po bën zbritje masive të çmimeve të artikujve të ndryshëm markash të njohura

Forcimi i frangut kundrejt euros që ndodhi më pak se një muaj më parë ka bërë që në Zvicër të ule çmimet e artikujve të përdorimit të përditshëm. Kështu, dy kolosët e tregtisë me pakicë, koncernet e mëdha, Migros dhe Coop kanë reaguar duke zbritur numër të madh artikujsh, për të përcjellë kështu te konsumatorët zviceranë fitimin që ato kanë duke blerë artikuj markash të njohura të prodhuesve në zonën e euros. Në këtë periudhë të shkurtë është hera e dytë që Migrosi po bën zbritje masive të çmimeve të artikujve të ndryshëm markash të njohura.

Kështu, duke filluar nga 10 shkurti 2015 do të ketë zbritje çmimesh të të gjitha produkteve të markave si Wasa, Philadelphia Boursin, pastaj Coca Cola, Heinz und Tetley etj. për mesatarisht 10 për qind. Njësoj edhe Coop ka shpallur sot zbritjen e madhe të çmimeve të artikujve që ka në asortiment. Bëhet fjalë për 1100 artikuj që do të kushtojnë deri në 17 për qind më lirë se deri më tash.

Edhe Coop-i ashtu sikurse Migros-i po i zbret çmimet për herë të dytë brenda tri javëve sa kanë kaluar  nga shkëputja e lidhjes së frangut me euron.