Zbehet perspektiva ekonomike për vitin aktual

Në vitin 2017 SECO pret rritje reale të Bruto Produktit të Brendshëm (GDP) prej 1.6 për qind. Në dhjetor, rritja ishte prej 1.8 për qind.

Parashikimi i rritjes për vitin 2018, nga ana tjetër, është konfirmuar nga ekonomistët zviceranë, e që është parashikuar të rritet deri në 1.9 për qind.

Sekretariati i Shtetit për Çështje Ekonomike (SECO) arsyeton korrigjimin e kursit të parashikimit të rritjes për vitin aktual me rritjen zhgënjyese të ekonomisë zvicerane në gjysmën e dytë të vitit 2016.

Përveç kësaj, SECO ka parashikuar ecurinë ekonomike në vitin 2018. Në të dy vjetët e parashikimit, sipas të dhënave të SECO-s, kërkesa e brendshme ka të ngjarë të japë impulse të konsiderueshme rritjeje.

Kjo është për shkak të rimëkëmbjes së pritshme të tregut të punës dhe rritjes së qëndrueshme të popullsisë.

Sipas parashikimit për vitet 2017 dhe 2018, tregtia e jashtme duhet të kontribuojë pozitivisht në rritjen e PBB-së. Për shkak të rimëkëmbjes së ekonomisë, ekspertët zviceranë gjithashtu presin një ringjallje të tregut të punës. Shkalla e papunësisë duhet të bjerë në 3.2 për qind në vitin 2017 dhe 3.1 për qind në vitin 2018.