Zaev: Obligim yni është anëtarësimi në NATO

Kryeministri i Maqedonisë, Zoran Zaev, theksoi se prioritet i qeverisë së tij është anëtarësimi në NATO dhe Bashkimin Evropian. “Duhet të vazhdojmë me guxim dhe vendosmëri në realizimin e qëllimit tonë strategjik: anëtarësimin në NATO dhe BE.

Është koha kur brezi ynë duhet të përcaktojë të ardhmen e shtetit dhe gjeneratave që vijnë. Është koha që fëmijëve tanë dhe gjeneratave që vijnë t’u japim shkas që ta gjejnë veten e tyre në Republikën e Maqedonisë”, deklaroi kryeministër i Maqedonisë në ceremoninë e organizuar me rastin 70-vjetorit të fillimit të kryengritjes antifashiste dhe Luftës Nacional Çlirimtare.