Xherdan Shaqiri reklamon Passatin e ri

Xherdan Shaqiri nuk është në ditët më të mira të tij në fushën e lojës, por në fushën e marketingut ai po tregohet shumë i suksesshëm.

Futbollisti shqiptar bashkë me bashkëlojtarët e tij te përfaqësuesja zvicerane, Yann Sommer dhe Ricard Rodriguez, janë shfaqur në spotin më të ri të reklamës së Volkswagen Passat, variant i ri. Ngasës i kësaj veture luksoze është futbollisti i “Interit”, Xherdan Shaqiri.

Në këtë reklamë Shaqiri duket shumë në humor me bashkëlojtarët e tij, të cilët së bashku dalin për të bërë xhiro, ndërkohë Shaqiri shihet në një moment kur ngacmon dy vajza duke ecur rrugës dhe nga pakujdesia për pak sa nuk e shkel trajnerin e tij të Zvicrës, Vladimir Petkoviç, të cilin më pastaj edhe e përshëndet: “Hallo, trajner!”

E gjithë kjo është për të treguar sistemin ndihmës që kjo veturë e re e posedon për t’i shpëtuar më të keqes.

Albinfo.ch