Xhaka humb kontrollin, ndëshkohet me karton të kuq

https://www.youtube.com/watch?v=Y5EoFeX8Ba8

Mbrëmja e së mërkurës ishte jo e mirë për mesfushorin e Bazelit, Taulant Xhakën. Në ndeshjen që ekipi i tij e humbi nga Young Boys me rezultat 4-3 në Bernë, lojtari i kombëtares shqiptare, pas një konflikti verbal me futbollistin e Young Boys, Renato Steffen, ndëshkohet me karton të kuq, raporton “albinfo.ch”.

E gjithë kjo ndodhi në përfundim të ndeshjes deri sa futbollistët e Bazelit, të zemëruar për humbjen e parë në kampionat, ishin duke lëshuar fushën. Gjatë daljes së futbollistëve mysafirë, Renato e provokon me fjalë futbollistin shqiptar, ndërkohë që pa menduar shumë  Xhaka e “godet” lehtë me dorë Renaton, i cili si një mjeshtër i simulimeve rrëzohet në tokë. Situata u tensionua shumë mes futbollistëve në fushë, aq sa arbitri kryesor e ndëshkoi menjëherë Xhakën me karton të kuq.

Në këtë derbi zviceran, për Baselin përpos Xhakës, u paraqiten edhe Shkëlzen Gashi dhe Naser Aliji, ndërkohë që për ekipin nga kryeqyteti luajtën: Florent Hadërgjonaj dhe futbollisti me orgjinë nga Prizreni, Miralem Sulejmani i cili ishte edhe realizator i dy golave.