Xhaka dhe Steffen shtrijnë dorën e pajtimit

Goditja me shuplakë e Taulant Xhakës ndaj Renato Steffen-it në shtator të vitit të kaluar bëri bujë në mediet zvicerane.  E gjithë kjo ndodhi gjatë një ndeshje mes Bazelit të Xhakës dhe ish ekipit të Steffen-it, Young Boys.

Por duket se i gjithë hidhërimi ishte vetëm në fushën e lojës. Prej se Renato Steffen është transferuar në ekipin e Bazelit, tashmë gjërat kanë ndryshuar. Ai dhe Xhaka përpos që janë kolegë edhe janë pajtuar.

Një fotografi e cila sot është botuar në mediet zvicerane, tregon se si Renato Steffen ia shtrin dorën futbollistit të kombëtares shqiptare dhe i ndihmon të ngritt pas një dueli gjatë stërvitjeve në klubin e Bazelit.

Të dy futbollistet kanë deklaruar se ajo çfarë ka ndodhur i takon të kaluarës dhe nuk dëshirojnë të flasin tutje për atë çështje.