Widmer-Schlumpf: “Marrëveshje me të cilën mund të jetohet”

“Është një rezultat me të cilin e mund të jetojmë. Marrëveshja na mundëson të shikojmë përpara dhe të përmbyllim të kaluarën”, ka thënë ministrja e financave

Në konferencën për medie, të mbajtur në mëngjesin e të premtes, ministrja zvicerane e financave, Eveline Widmer-Shlumpf është treguar e lehtësuar dhe e kënaqur me arritjen e marrëveshjes  me SHBA-në në fushën e tatimeve.

“Është një rezultat me të cilin e mund të jetojmë. Marrëveshja na mundëson të shikojmë përpara dhe të përmbyllim të kaluarën”, ka thënë ajo. Sipas ministres, me këtë hap është përmbyllur faktikisht konflikti tatimor me SHBA-në. Marrëveshja është produkt i një diskutimi trevjeçar me shumë ngritje dhe rënie. “Ne do të bëjmë çdo gjë për të zbatuar programin”.

Widmer-Schlumpf ka thënë më tutje se programi konsiderohet i filluar që nga e premtja, ka transmetuar srf.1. Bankat tash kanë kohë që deri në fund të dhjetorit të përfundojnë punët e tyre në këtë kuadër.

Ministrja ka pranuar se refuzimi nga parlamenti, ka vështirësuar punën për miratimin e Lex USA. “Për pasojë, kemi pasur përkeqësim të kushteve të programit”, ka thënë ajo.