Vritet zvicerani në Republikën Dominikane

Ai shte sulmuar deri sa po provonte të nxirrte të holla nga një automat parash

Është vrarë një shtetas zviceran në Republikën Dominikane në Amerikën Latine. Krimi ka ndodhur gjatë një sulmi për grabitje që i është bërë pensionistit zviceran në kryeqytetin e vendit, Santo Domingo. Sipas medieve lokale, zvicerani është sulmuar nga tre meshkuj dhe me këtë rast ka ofruar rezistencë.

Sulmuesit kanë përdorur armë zjarri , nga të shtënat e të cilave pensionisti zviceran ka pësuar plagë vdekjeprurëse.
Sipas medieve të atjeshme zvicerani ishte sulmuar deri sa po provonte të nxirrte të holla nga një automat parash. Policia bën të ditur se janë arrestuar dy të dyshuar lidhur me sulmin.

Bashkëshortja dhe i biri që ndodheshin me të sulmuarin kanë shpëtuar të palënduar.