Për hakmarrje, 18 vjet burgim për kosovarin në Gjermani

Një gjykatë gjermane dënoi dje me 18 vjet burgim një 38-vjeçar nga Kosova, me akuzën e vrasjes së një personi më 2017. 38-vjeçari jetonte në Bochum të Gjermanisë.

Vrasja për të cilën akuzohet ka ndodhur më 29 tetor 2017 në Winterswijker. Ai përplasi me një makinë me targa gjermane shtetasin Demë Lulaj, asokohe 58 vjeç. Pasi e aksidentoi, 38-vjeçari ka dalë nga makina dhe e ka goditur Lulajn disa herë me çekiç. 58-vjeçari vdiq një ditë më vonë në spital, përcjell albinfo.ch.

Gjithçka mendohet se ka ndodhur për gjakmarrje. Si viktima dhe agresori u rritën në Kosovë. I dënuari në moshën 12-vjeçare ka qenë dëshmitar i vrasjes së babait të tij nga i vëllai i Demë Lulaj me një copë druri në kokë.

Sipas gjykatës, vrasja ka qenë e mirëmenduar. Makina e 38-vjeçarit ishte parë disa herë në rrugën ku banonte viktima përpara vrasjes. Ai gjithashtu postoi një selfie në Facebook ditën e vrasjes, për ta pasur si alibi se ishte në Zvicër.

Gjykata dha të njëjtin dënim që kërkoi prokuroria. Dënimi i gjyqtarit ishte i njëjtë me atë që kërkoi prokurori. Të dy e gjejnë motivin e burrit rëndues.

“Hakmarrja e gjakut është një fenomen i papranueshëm dhe i padëshirueshëm, për të cilin nuk ka vend në këtë shoqëri. Kjo është arsyeja pse vetëm dënimi me burgim të gjatë është i përshtatshëm”, tha gjykatësi.

I dyshuari nuk ishte i pranishëm në sallën e gjyqit për vendimin. Ai mohon se është i përfshirë në vrasje, por sipas gjykatës, ADN-ja e tij u gjet në xhaketën e viktimës. Makina që goditi Lulaj ishte gjithashtu në emrin e tij. Gjykata i konsideroi këto si provë përfundimtare.