VMRO drejt shkatërrimit total, Gjykata miraton ngrirjen e pasurisë

Krahas objekteve të sekuestruara, drejtësia maqedonase i ka akuzuar 14 persona për shpërdorim detyre, pasi dyshohen për pazare të paligjshme për financimin e partisë me vlerë prej 4,9 milionë eurosh, shkruan albinfo.ch

Partia që udhëhoqi për 12 vjet dhe që fitoi zgjedhjet e fundit parlametare në Maqedoni me 51 deputetë, duket se është drejt përçarjes dhe bankrotit total. Pas akuzave nga Prokuroria Speciale, Gjykata e Shkupit ka miratuar ngrirjen e pasurisë së opozitares maqedonase – çka përfshin 69 objekte, mes tyre edhe objektin e qendrës së partisë në qendër të Shkupit.

Krahas objekteve të sekuestruara, drejtësia maqedonase i ka akuzuar 14 persona për shpërdorim detyre, pasi dyshohen për pazare të paligjshme për financimin e partisë në vlerë prej 4,9 milionë eurosh. Gruevski është dënuar ndërkohë për një çështje tjetër me dy vjet burgim, por e ka dërguar atë në Gjykatën Suprem. Në rast se kjo e fundit vendos kundër tij, atëherë ish -kryeministri do të burgoset më 8 nëntor.

---