Vjosa Osmani vazhdon takimet në Bruksel

Ushtruesja e detyrës së presidentes së Kosovës, Vjosa Osmani, edhe sot do të vazhdojë takimet në Bruksel, përcjell albinfo.ch.

Ajo gjatë së mërkurës pritet të takohet me emisarin e Bashkimit Evropian, Miroslav Lajçak, ndërmjetësues në dialogun Prishtinë-Beograd si dhe presidenten e Dhomës së Përfaqësuesve, Eliane Tillieux dhe presidenten e Senatit të Belgjikës, Stephanie D’Hose.

Gjatë ditës së martë Osmani u takua me Oliver Varhelyi, Komisionar për zgjerim dhe fqinjësi, si dhe me deputetët e Parlamentit Evropian që janë në Grupin e Miqësisë së Kosovës në Parlamentin Evropian: Rainer Wieland, zv.presidenti i PE-së, Lukas Mandl (EPP), Viola von Cramon- Taubade, raportuese për Kosovën në PE, Ilhan Kyuchyuk, nga Grupi Renew dhe Andrey Kovatchev, nënkryetar i EPP-së.