Kosova

Vjosa Osmani: Kosova ka rol aktiv në formësimin e së ardhmes së rajonit

E hënë, 11 Shtator 2023 - 14:40 albinfo.ch
Foto FB: Presidenca e Republikës së Kosovës

Gjatë ditës së sotme në Shkup po zhvillohet Procesi Bërdo-Brioni, ku është pjesëmarrëse edhe Presidentja e Kosovës, Vjosa Osmani.

Përmes një postimi në Twitter, Osmani ka falënderuar presidentin e Maqedonisë së Veriut, Stevo Pendarovski, dhe presidentët e Sllovenisë, Natasha Pirc-Musar dhe të Kroacisë, Zoran Millanoviq, për mirëseardhjen e tyre, ndërsa tha se Kosova ka rol aktiv në formësimin e së ardhmes së rajonit. shkruan albinfo.ch.

“Falënderoj Presidentët Pendarovski, Musar dhe Milanoviq për mirëseardhjen e tyre në fillim të takimit të liderëve të procesit Bërdo-Brione. Kosova ka rol aktiv në formësimin e së ardhmes së rajonit dhe kontribut përmbajtjesor për rrugën e përbashkët euro-atlantike”, ka deklaruar Osmani.

Në fokus të takimit janë integrimi evropian, ndryshimet klimatike dhe emigracioni i të rinjve, teksa qëllimi kryesor i procesit është integrimi i plotë i vendeve të rajonit në Bashkimin Europian, stabilizimi i situatës në Ballkanin Perëndimor, duke forcuar bashkëpunimin rajonal dhe zgjidhjen e çështjeve të hapura.

 

 Të tjera nga Kosova

Hajdari për aktakuzën për rezervat shtetërore: Prokuroria Speciale ka tendencë politike ndaj Qeverisë Kurti

 E-Diaspora

 Jeta në Austri