Viktima e vrarë në tren ishte një kroate, nënë e dy fëmijëve të vegjël

Gruaja e vrarë në sulmin në tren ishte një kroate, nënë e divorcuar me dy fëmijë të moshës shtatë dhe dhjetë vjet, sipas gazetës Blick

Gruaja 34 vjeçare që vdiq nga plagët e shkatuara nga sulmi në tren që ndodhi të shtunën në Salt (SG) ishte një kroate, nënë e divorcuar me dy fëmijë të moshës shtatë dhe dhjetë vjet, njofton albinfo.ch duke u bazuar në gazetën Blick. Ajo është identifikuar si Janja S. dhe sipas fqinjëve të saj, ajo nuk e ka njohur vrasësin e saj.  Sipas tyre ajo “është gjetur  thjesht në vendin e gabuar në kohën e  gabuar”.

Pesë persona të tjerë u plagosën gjatë sulmit të lartpërmendur, duke përfshirë edhe një 17-vjeçare e cila ende gjendet në mes jetës dhe vdekjes si dhe një vajzë gjashtë vjeçare në gjendje të rëndë, por tashmë jashtë rrezikut për jetën.

Gjithashtu, një 43 vjeçar, një adoleshent 17 vjeçar si dhe një burrë 50 vjeçar janë plagosur por jeta e tyre nuk është në rrezik.