Vidhen orë luksoze zvicerane në vlerë prej 3 milionë eurosh

Në Paris janë vjedhur orë të vlefshme tre milionë euro. Vjedhja ka ndodhur në rrethin e tetë të Parisit, në magazinën e prodhuesit zviceran të orëve luksoze “Richard Mille“, raporton agjencia e lajmeve “Associated Press”, përcjell albinfo.ch

Banorët lokal kanë njoftuar mbrëmë policinë se rreth dyqanit në fjalë ka ndodhur diçka e dyshimtë.

Në lagjet e pasura të Parisit janë të përqenduara dyqanet e shumta me brendet më të njohura botërore. Më herët,  këtë muaj kriminelët kishin plaçkitur dyqanin  e “Chanel”.