Video: A lejohet bashkëjetesa në Kosovë në mes një çifti me konfesion të ndryshëm?!

Vetëm dy hapa larg strehimores “Armée du Salut”, në sipërfaqe publike në afërsi të qelqtores të Reimsit, 35 persona nga Gjeorgjia, Kosova, Shqipëria dhe Afrika kanë gjetur strehim pranë fushës së futbollit, pas evakuimit të tyre nga parku “Saint John Perse”.

Pas arritjes së tyre në Francë, ata nuk kanë mundësi të zgjedhin, përpos se të flenë jashtë, me fëmijë. Migrantët e Reimsit në numër nuk janë të shumtë, por janë të shqetësuar: Strehimi i tyre në parkun “Saint John Perse” është dashur të çmontohej  për arsye të shëndetit publik dhe u detyruan të vendosen në një vend tjetër të qytetit. Një nga ekipet  e Televizionit “France 3” i ka vizituar në vendngjarje, transmeton Albinfo.ch.

Ekipi francez ka incizuar një video në kohëzgjatje prej rreth dy minutash, në të cilën shihen refugjatët në afërsi të fushës së futbollit, ku po zhvillohej një ndeshje miqësore futbolli. Ata kanë rrëfyer se kanë shumë të ftohtë nëpër tendat e tyre të ngritura dhe po përballen me kushte shumë të rënda.

Një shtetas i Kosovës ka rrëfyer se ai është i konfesionit islam, por se në Kosovë nuk e lejojnë të jetojë me një grua të konfesionit katolik.

Nga ana tjetër, në Serbi kanë dashur t’i vrasin, pasi atje çiftet duhet të jenë të konfesionit të njëjtë për të mundur të vazhdohet jeta.