Vetëvritet duke u hedhur para trenit

Një shtetas shqiptar, 51-vjeçar, i ka dhënë fund jetës me një mënyrë tepër tragjike mbrëmjen e së mërkurës në Athinë.

Autoritetet thanë se viktima u hodh me dashje në shinat e trenit, në stacionin e Omonias, rreth orës 21.00 të mbrëmjes, në kohën që ky i fundit po hynte në stacion, raporton “TCH”.

Edhe pse operacioni për nxjerrjen e tij zgjati gati dy orë, zjarrfikësit thanë se trupi i 51-vjeçarit u nxor i pa jetë nga rrotat e trenit, përcjell albinfo.ch.

Dëshmitarë okularë thanë se e panë viktimën të hidhet me forcë përpara trenit. Askush nuk mundi ta ndalonte, ndërkohë që mbi trupin e tij kaluan të paktën 3 vagona, përpara se treni të ndalonte.