Vështirë për kroatin që luan me Zvicrën kundër Kroacisë

Edhe futbollistët shqiptarë në kombëtaren zvicerane do ta kalojnë këtë sfidë më 11 shtator kundër Shqipërisë

Futbollisti  kroato-zviceran, Mario Gavranovic është zënë ngushtë kur është pyetur nga gazetarët se a do ta festonte fitoren në Split të kombëtares zvicerane kundër Kroacisë.

Sulmuesi i FC Zuerichit, Gavranoviq është ftuar për herë të parë në ekip nga trajneri i kombëtares zvicerane, Ottmar Hitzfeld.

Për 22-vjeçarin, ndeshja  kundër Rakiticit e të tejrëve është diçka e veçantë”.

Gavranovic tha në një intervistë për Blick se ndjehet edhe si një kroat, po edhe si zviceran.

“Çfarë do të bënte ai kur ekipi kombëtares zviecarene do të shënonte gol?

“Nuk e di. Por unë mendoj se nuk është aq e lehtë kundër vendit tim ” ka thënë Gavranovic..

Trajneri i Përfaqësueses së Zvicrës në futboll, gjermani Ottmar Hitzfeld, ka ftuar edhe pesë futbollistët shqiptarë në ndeshjen miqësore që do të zhvillohet të mërkurën kundër Kroacisë në Split.

Nuk do ta kenë lehtë edhe futbollistët shqiptarë, të cilët  do ta kalojnë të njëjtën sfidë para kualifikuese për Botërorin ‘Brazili 2014’ që Zvicra do ta zhvillojë kundër Shqipërisë më 11 shtator.