Vendoset e ardhmja e Xhakës

Mesfushori shqiptar, Granit Xhaka nuk po kalon ditë të mira në Arsenal

Granit Xhaka i ka ditët e numëruara në Arsenal, raportojnë mediat angleze.

Pas ofendimit që u bëri tifozëve të skuadrës londineze, ai u përjashtua për disa ndeshje, derisa edhe zyrtarisht nuk është më kapiten i ekipit, përcjell albinfo.ch.

Përkundër se ka kërkuar falje, tifozët janë shprehur kundër tij dhe kërkojnë largimin.

Pikërisht kështu duket se do të ndodhë, sepse nuk është ftuar fare në ndeshjet e fundit, derisa mund të ndërrojë ambient qysh në afatin kalimtar të janarit.

Për Xhakën kanë shprehur interesim disa skuadra evropiane, sidoqoftë e ardhmja e tij është larg Arsenalit.

---