Vdiq eseisti francez me origjinë bullgare, Cvetan Todorov

Mendimtari, teoricieni letrar dhe historian i ideve, francezi me origjinë bullgare, Cvetan Todorov, autor i veprave të shumta që kanë të bëjnë me letërsinë, historinë dhe politikën, vdiq të martën në moshën 77- vjeçare

Keystone

Cvetan Todorov vdiq më 7 shkurt  2017 pranë familjes së tij. Ai vuante nga ndërlikimet e një sëmundjeje neurodegjenerative. Sapo kishte përfunduar librin e tij të fundit, “Triumfi i artistit” , që do të dalë në mars, tregoi vajza e tij në një deklaratë të shkurtër.
I lindur në vitin 1939 në Sofje, autori ishte i njohur fillimisht me esetë e tij në literaturë me librat “Letërsia dhe kuptimi” dhe “Hyrje në letërsinë fantastike”.
Themelues i revistës “Poétique”
Përfaqësues i strukturalizmit  aktual dhe themelues në vitin 1970 të revistës poetikë me Gérard Genette. Më pas ai (në vitet 1980) ai kaloi në historinë e ideve. Ai ka punuar kryesisht rreth mendimit humanist dhe totalitarizmit (“Memoria e së keqes, tundim i mirë”, botuar në vitin 2000).
Drejtor për kërkime në Qendrën kombëtare të kërkimeve shkencore (CNRS), profesor vizitues në disa universitete amerikane, ai ishte i martuar me romancieren franko-kanadeze, Nancy Huston, deri në vitin 2014.