Vdekja e Mirelit të vogël mbetet mister

Përmes obduksionit është konstatuar se rreth gjysma e lëndimeve vinin nga koha kur shqiptari i dyshuar nuk ishte fare duke bashkëjetuar me nënën e Mirelit

Në vitin e largët 1999 foshnja 13 muajshe me emrin Mirel ishte torturuar deri në vdekje. Një person, tashmë 46 vjeçar, me shtetësi kosovare, vitin e kaluar është liruar si i pafajshëm në një gjykatë austriake nga akuza për vrasje të foshnjës në fjalë. Ndërkohë prokuroria kishte paralajmëruar ankesë kundër një vendimi të tillë. Por kur vendimi tashmë kishte ardhur në formë të shkruar, prokuroria kishte ndryshuar  mendim. Sipas hulumtimeve të agjencisë austriake të lajmeve APA që në majin e vitit 2013 në aktin gjyqësor kishte rënë në sy se prokuroria nuk e kishte ushtruar ankesën e saj. Kjo bën që shkaku  i drejtpërdrejtë në rastin e vdekjes së fishnjës të mbetet i pasqaruar.

E vërteta është se Mireli kishte vdekur në spital pas vuajtjeve të mëdha të shkaktuara nga tyherja e 30 eshtrave dhe një tronditjeje të trurit. Nëna e tij kishte pohuar se personi të cilin ajo ishte miqësuar për një kohë të shkurtë e i cili tashmë ndodhej në ish Jugosllavi, do ta kishte torturuar foshnjën gjatë kohës sa ajo ishte në punë. Gjykata i kishte besuar rrëfimit të saj, e kishte dënuar atë me 5 vjet burg për “neglizhencë dhe indiferencë” gjegjësisht ndihmëse në vrasje. Ndërsa i akuzuari për vrasje të drejtpërdrejtë kishte mundur të arrestohej vetëm pas 13 vitesh, kur lëndën  e kishte marrë në dorë një person tjetër, prokurorja aktuale. Kjo kishte konstatuar se ndaj të dyshuarit ishte ngritur vetëm një fletarrest në nivel të Austrisë dhe jo ndërkombëtar, edhepse merrej me mend se i dyshuari, një refugjat shqiptar nga Kosova, ishte kthyer në Kosovë.

Pas ngritjes së fletarrestim ndërkombëtar Ramiz K. Ishte arrestuar në fshatin e tij të lindjes dhe ishte ekstraduar në Austri. Në mars të vitit 2013 Gjykata e Vjenës e kishte liruar atë në mungesë të fakteve që do të dëshmon fajësinë e tij.

Kjo mungesë faktesh, siç konstatohet tash nga ekspertiza mjekësore, vjen edhe për arsye të disa gabimeve të bëra gjatë procedurës. Kështu ekspertiza në fjalë përmes obduksionit ka konstatuar se rreth gjysma e  lëndimeve të Mirelit të vogël vinin nga koha kur shqiptari atëbotë i dyshuar nuk ishte fare duke bashkëjetuar me nënën e Mirelit. Veç kësaj, kundër gruas në fjalë e cila ksihte edhe katër fëmijë nga një martesë tjetër, ishin ngritur akuza për lënie padore dhe lëndime trupore të shkaktuara fëmijëve të vet.

Gabimi tjetër i bërë gjatë procedurës është se një palë brekë meshkujsh me shenja gjaku dhe rroba e pizhame po ashtu të përgjakura  fëmijësh nuk ishin nësnhgtruar analizës së ADN-së dhe as nuk ishin ruajtur për t`iu bërë kjo analizë më vonë.