Vazhdon të zgjatet deri në ditën e vdekjes!

Tanya Angus, ka vuajtur nga një sëmundje e rrallë, e shkaktuar nga një tumor beninj në hipofizë: Akromegalie (gjigantizmi).

Tanya Angus, një gra amerikane ka vuajtur nga një sëmundje e rrallë, e shkaktuar nga një tumor beninj në hipofizë: Akromegalie (gjigantizmi).

Personave të prekur nga kjo sëmundje u rriten organet e trupit në mënyrë joproporcionale dhe vazhdimisht. Ndonëse kishte mbushur 34 vjeç, ajo vazhdonte të rritej… Dhe kjo rritje ka përfunduar vetëm kur ajo , të hënën që shkoi, ka ndërruar jetë.

Si tinejxhere, Tanya, me gjatësinë 177 cm kishte një figurë çfarë e dëshirojnë vajzat në pistat e modës. Por, pasi i paraqitet sëmundja e rëndë ajo rritej në mënyrë të pakontrolluar derisa, ditën kur vdiq, ajo kishte një gjatësi prej 2.19 metra dhe peshonte 181 kilogramë.

Pasojat e sëmundjes së rrallë ishin të mëdha. Tanya nuk mundte të vishte as bluzat më të mëdha, për shkak se nuk mund ta fuste kokën e rritur së tepërmi në to. Po ashtu për të duhej të punoheshin këpucë speciale.

Ajo kishte probleme edhe me reagimet e këqija të rrethit të njerëzve ku jetonte. “Njerëzit ishin të tmerrshëm ndaj saj, deri sa ajo pati filluar të fliste në medie për sëmundjen e saj”, thotë Karen, nëna e Tanyas, pas vdekjes së të bijës.