Vazhdon referendumi ilegal i serbëve në veri

Në pjesën veriore të Mitrovicës, në Zveçan dhe Zubin Potok, vazhdon referendumi i serbëve, që ka filluar dje, ndërsa në Leposaviq, mbahet sot.

Në këtë referendum, që është hedhur poshtë nga institucionet e Kosovës dhe nga ndërkombëtarët, duke u cilësuar si joligjor, serbët e kësaj pjese të Kosovës, deklarohen për raportin e tyre ndaj institucioneve të Republikës së Kosovës.

Në katër komunat në pjesën veriore të Kosovës thuhet se janë afro 35 mijë votues serbë.