Kosova

Vazhdojnë pritjet në pikë kalimet kufitare, mbi katër orë në Merdar

E diel, 20 Gusht 2023 - 23:00 albinfo.ch

Mbrëmjen e sotme po vazhdojnë pritjet në pikë kalimet kufitare, kryesisht për të dalë nga Kosova, shkruan albinfo.ch.

Sipas informatave të orës 21:29 të publikuara nga Ministria e Punëve të Brendshme të Kosovës, në pikë kalimin kufitar në Merdar, kolonat janë deri në 700 metra teksa pritja në dalje është nga 240 deri në 250 minuta. Në hyrje të Merdarit nuk ka pritje përveç procedurave të zakonshme.

Te Dheu i Bardhë, pritjet në dalje janë nga 30 deri në 40 minuta, derisa kolonat janë deri në 200 metra.

Në Jarinjë, pritjet në dalje të Kosovës janë nga 10 deri në 15 minuta, ndërsa në Muçibabë 15-20 minuta.