Vala e gripit bën kërdi në Zvicër

Një epidemi e rëndë e gripit është përhapur në gjithë Zvicrën. Zyra Federale për Shëndetësi (BAG) e ka klasifikuar si «të përhapur gjerësisht» këtë epidemi dhe kjo nënkupton se mjekë po diagnistifikojnë gripin në 50 e më shumë përqind të rasteve të pacientëve të tyre.

Në javën e kaluar, gripi ishte i përhapur vetëm në dy regjione ndërsa BAG vlerëson se tendenca e përhapjes së tij është në ngritje në katër nga gjashtë regjionet e Zvicrës.

Më së shumti janë shtuar rastet e semurjes te personat ne mes 30 dhe 64 vjeçarë. Por, në total, numri më i madh i të sëmurëve është te të porsalinduri dhe te fëmijët deri në katërvjeçarë, shkruan sda.ch.

Shifrat më të reja tregojnë po ashtu se në 57% të testimeve laoratorike është dëshmuar ekzistimi i virusit të gripit.