Kosova

Ushtarët amerikanë zhvillojnë stërvitje ajrore në jug të Mitrovicës

E hënë, 21 Gusht 2023 - 17:40 albinfo.ch

Keystone

Kontingjenti amerikan i caktuar në Komandën Rajonale të KFOR-it në Lindje do të zhvillojë një aktivitet ajror në një fushë të hapur afër Polacit, në Mitrovicë të Jugut.

Sipas komunikatës për media, me këtë rast do të mbyllet qarkullimi ngjitur me zonën e stërvitjes, shkruan albinfo.ch.

Aktiviteti i kërcimit me linjë statike do të përfshijë parashutistët nga “Garda Kombëtare e SHBA-së” dhe helikopterët amerikanë nga aviacioni i Task Forcës Bondsteel në mënyrë që të ruajnë aftësitë specifike referuar njësive ajrore.

“Për shkak të sigurisë, qarkullimi në rrugën ngjitur me zonën e stërvitjes parashikohet të mbyllet periodikisht gjatë gjithë aktivitetit stërvitor”, thuhet në komunikatë.