Universiteti EPFL i Lozanës, i dyti në botë

Revista "Time Higher Education" ka vlerësuar universitetet “e reja”, që nuk kanë më shumë se 50 vjetnga themelimi

Universiteti Politeknik i Zvicrës (EPFL) është zgjedhur në vendin e dytë në kategorinë e “universiteteve të reja” të botës. Këtë vend universiteti në fjalë e ka zënë në ranglistën e bërë nga revista britanike e shkollave të larta “Time Higher Education”.

Vendin e parë në këtë toplistë e ka fituar Pohang University of Science and Technology i Koresë së Jugut. Po ashtu nga i njëjti shtet është edhe universiteti “Korea Advanced Institute of Science and Technology”, që ka zëë vendin e tretë.

Revista ka vlerësuar universitetet “e reja”, që nuk kanë më shumë se 50 vjet nga themelimi. Ato duhet të kenë plotësuar 13 tregues nga 5 fusha, hulumtimi, mësimi, citimet etj.