Unifikohet kompensimi për trajtimin mjekësor

Deri më tash arka e sigurimit shëndetësor ajo e cila trajtimin mjekësor jashtë kantonit e ka mbuluar vetëm me atë tarifë që vlen në vendin ku i siguruari banon dhe punon

Personave që i nënshtrohen një trajtimi mjekësor ambulant jashtë kantonit të tyre, nga sigurimi shëndetësor nuk do tu kompensohet trajtimi vetëm sipas tarifës që paguhet kur trajtohen brenda kantonit ku jetojnë. Kështu ka vendosur Këshilli Federal, duke mbështetur mocionin përkatës të deputetes nacionale Ruth Humbel nga CVP/AG.

Deri më tash arka e sigurimit shëndetësor ajo e cila trajtimin mjekësor jashtë kantonit e ka mbuluar vetëm me atë tarifë që vlen në vendin ku i siguruari banon dhe punon. Me këtë vendim ligjvënësit synojnë që të evitojnë shtimin e shpenzimeve për të siguruarit.

Sipas mocionit gjendja e deritashme kishte për pasojë që arka e sigurimit për secilin trajtim të veçantë të shikonte se ku është kryer. Nisur nga mobiliteti i njerëzve në kohën tonë, sipas deputetes Humbel, kjo përllogaritje është shumë e mundimshme dhe e jashtëkohshme.   

Me ndryshimin e procedurës në fjalë, arkat e shëndetësisë do të kursejnë rreth 15 milionë franga.