Shqipëria

Ulet avioni me 67 pasagjerë nga Cyrihu në Kukës

E premte, 9 Korrik 2021 - 14:51 albinfo.ch

Aeroplani i parë me 67 pasagjerë është ulur mesditën e sotme në aeroportin e Kukësit “Zayed, flatrat e Veriut”, transmeton albinfo.ch.

Aeroplani ishte nga kompania Helvetic Airways dhe u ul me sukses në pistë rreth orës 12:00. Ata janë mirëpritur nga stafi i linjës ajrore pas udhëtimit që zgjati 1 orë e 45 minuta.

Në ceremoninë e pritjes së udhëtarëve të parë ishte dhe ministri i Turizmit dhe Mjedisit, Blendi Klosi dhe kreu i Bashkisë së Kukësit, Safet Gjici.

Ky është fluturimi i dytë që bëhet në aeroportin e Kukësit, pas uljes së avionit Air Albania në 18 prill të këtij viti.

Aeroporti i Kukësit pritet të operojë me çmime të lira dhe do të ketë disa linja të tjera krahas atyre të Rinasit.

Kliko Videon

 Të ngjashme

Ekspozita “Gjergji në Art” një mozaik identiteti, arti dhe kujtese kombëtare

 Të tjera nga Shqipëria

Shqipëri: Vala e re e virusit me 12 mijë raste në javë, autoritetet paralajmërojnë për “gripin australian” që po prek Evropën

 E-Diaspora

 Jeta në Austri