Turizmi shqiptar promovohet edhe në Londër

Në këtë aktivitet morën pjesë edhe investitorë britanikë, operatorë turistike nga Shqipëria dhe Britania e Madhe, biznesmenë shqiptarë që punojnë dhe jetojnë në Britani të Madhe

Shqipëria turistike është prezantuar për herë të parë në Dhomën e Lordëve të Parlamentit Britanik ku u mbajt aktiviteti “Arritjet dhe e ardhmja e industrisë së turizmit në Shqipëri”.

“U mbajt aktiviteti më i rëndësishëm në histori, për industrinë e turizmit shqiptar në Britani të Madhe”. Ky është përkufizimi i këtij takimi nga Dhoma Shqiptaro-Britanike që suksesin e takimit e lidh ngushtë me kontributin 16-vjeçar të anëtarëve të Dhomës të Tregtisë dhe Industrisë Shqipëri – Britani e Madhe, të Lord Watson of Richmond, shkruan albinfo.ch.

Lord Alan Watson of Richmond ofroi mbështetje për promovimin e mëtejshëm të turizmit në Britaninë e Madhe, ndërsa Ministrja e Ekonomisë prezantoi disa ndër resurset  më të veçanta të turizmit shqiptar.

Në këtë aktivitet morën pjesë edhe investitorë britanikë, operatorë turistike nga Shqipëria dhe Britania e Madhe, biznesmenë shqiptarë që punojnë dhe jetojnë në Britani të Madhe.