Trenat zviceranë, ndër më të ngadaltët në rajon

pixabay

Ndërsa hekurudhat e Zvicrës ua kalojnë vendeve të tjera për sa i përket përpikmërisë dhe densitetit të rrjetit, ato nuk vendosin rekorde shpejtësie, njofton albinfo.ch.

Në fakt, kur bëhet fjalë për shpejtësinë, trenat zviceranë mbeten prapa hekurudhave të tjera, sipas LITRA, Shërbimi Informativ për Transportin Publik. Renditja e sistemit të transportit në shtatë vende evropiane e vendos Zvicrën në fund.

Në vendet fqinje, trenat shpesh udhëtojnë me mbi 300 km/h. Në Zvicër, shpejtësitë rrallë i kalojnë 200 km/h; ka vetëm tri linja, në të cilat trenat lëvizin me shpejtësi 200 km/h: midis Oltenit dhe Bernës, tuneli bazë i Lötschberg, si dhe tunelet Gotthard dhe Monte Ceneri.

Arsyeja për shpejtësinë më të ulët është se trenat më të shpejtë konsumojnë shumë energji elektrike, sipas Zyrës Federale të Transportit. /Albinfo