Tregu zviceran i aksioneve i ka rezistuar goditjes së tarifave

(KEYSTONE/Peter Klaunzer)

Indeksi i Tregut Zviceran (SMI), i cili përfshin 21 kompanitë më të mëdha të listuara në bursë të vendit, u rrit me rreth 0.5 përqind në orën e hapjes të enjten, kur filluan të hynin në fuqi tarifat e reja doganore, përcjell albinfo.ch.

Indeksi më i gjerë i Performancës Zvicerane (SPI) fitoi deri në 0.7 përqind; deri në mesditë, fitimi ishte edhe më i madh.

Një nga arsyet për këtë zhvillim pozitiv është se, të paktën për momentin, industria farmaceutike është kursyer nga tarifa prej 39 për qind.

Megjithatë, nëse këto kompani do të përfshiheshin në tarifat e reja doganore, rënia e mundshme e PBB-së zvicerane mund të kalojë 1 për qind, besojnë ekonomistët.