Tre të dënuarit për terrorizëm mbeten në burgun e sigurisë së lartë

Para një muaji, shkalla e parë  (Gjykata Federale Penale) kishte dënuar tre irakianë për pjesëmarrje, gjegjësisht mbështetje të një organizate kriminale gjegjësisht IS-it. Ata vazhdojnë të mbahen në burgun e sigurisë së lafrtë  masë sigurie, shkruajnë mediet zvicerane. Dënimet e tyre sillen nga 3 vjet e gjysmë deri në 4 vjet e tetë muaj burg.

Gjykata Penale Federale në Bellinzona, vendimin e saj për mbajtjen e tyre në burg e ka arsyetuar  me ekzistimin e rrezikut për arratisje. Konsiderohet se të tre kanë lidhje me trafikantë me qenie njerëzore dhe kjo është ndër arsyet e ekzistimit të kësaj mundësie, transmeton albinfo.ch. Kjo, perkundër faktit se kryesori prej tyre është i paralizuar dhe i lidhur për karrocë invalidësh.

Tre irakianët ishin dënuar më 18 mars me burg disavjeçar. Gjykata Federale Penale ka konstatuar se pjesërisht është dëshmuar që ata kanë mbështetur organizatën terroriste të Shtetit Islamik.

Procesi në të cilin janë dënuar  tre të përmendurit ka qenë i pari i këtij lloji në Zvicër.

Mbajtja në këtë burg fillimisht është caktuar për deri në fund të qershorit të këtij viti.