Trashëgimia kulturore e Shqipërisë në fokusin e gazetarëve të huaj

FOTO ATSH

Trashëgimia kulturore dhe gastronomia e Shqipërisë ishin në fokusin e vizitës së 15 gazetarëve nga Greqia, Italia, Gjermani, Franca, Spanja etj.

Vizita e tyre filloi me legjendën e Kalasë së Rozafës, muzeun e saj dhe pamjet nga muret e saj të lashta.

Vendi i Dëshmisë dhe i Kujtesës, ish-zyrat e Degës së Brendshme në Shkodër, i informoi ata për vështirësitë që Shkodra dhe Shqipëria ndeshën gjatë regjimit komunist. Gazetarët mësuan më shumë për historinë dhe kulturën e Shqipërisë përmes arkivit të pasur të fotografive në Muzeun Kombëtar “Marubi”, transmeton ATSH.

Bashkimi Evropian ka mbështetur rinovimin e ndërtesës së muzeumit, që tregon historinë dhe kulturën e Shqipërisë përmes fotografive, përcjell albinfo.ch.

Për të përfunduar këtë vizitë intensive, gazetarët shijuan kuzhinën e shijshme tek agroturizmi “Mrizi i Zanave”.