Trajneri befason me vendimin për Xhakën

Vendimi për mesfushorin shqiptar, Granit Xhaka, mund të ndryshojë sërish

Granit Xhaka ishte në qendër të vëmendjes, për shkak të gjestit ndaj tifozëve të Arsenalit.

Që nga ai moment ai nuk ka luajtur asnjë minutë për skuadrën londineze. Fillimisht u mendua se Xhaka do të largohet në janar, megjithatë kjo mund të ndërrojë, përcjell albinfo.ch.

“Ai po rikthehet më i mirë. Mendjen e ka më të qetë. Synimi im është që ai të kthehet dhe të na ndihmojë dhe t’i bindë të gjithë se do të jetë më i mirë për ne. Ai po ndihet mirë dhe ekipi i tij është Arsenali. Ai dëshiron të kthehet me vetëbesimin e përkrahësve”, deklaroi trajneri i Arsenalit, Unai Emery.

Por, edhe Xhaka është shprehur i gatshëm të qëndrojë në Londër. “E kam të qartë idenë se si duhet të vazhdojë situata, dhe Arsenali e di këtë. Ende kam një kontratë me ta dhe do të isha i lumtur nëse rikthehem në klub. Kështu, mund të zgjidhim problemet. Do të ketë patjetër një zgjidhje, pasi nuk mund ta pranoj atë që ka ndodhur me mua”, u shpreh Xhaka.

---