Torta më e madhe vegane në botë

orta peshoi në fund 462.4 kilogramë dhe ishte tërësisht pa asnjë lloj produkti nga kafshët

Ylli suedez i YouTube-t, Therese Lindgren, dhe ekipi i saj kanë gatuar me sukses tortën vegane më të madhe në botë.

Torta peshoi në fund 462.4 kilogramë dhe ishte tërësisht pa asnjë lloj produkti nga kafshët.

Rekordi u thye në një kuzhinë të një shkolle vegjetariane në Stockholm.

Gjatë punës, për një moment skuadra u frikësua se nuk ka përbërës të mjaftueshëm për të kompletuar rekordin.

“Kur kishim gatuar tre çerekët e tortës, e kuptuam se na duhet më shumë jogurt dhe bollgur. Pas disa sekondash në panik, vendosëm që të mos dorëzoheshim. U mblodhëm bashkë dhe thirrëm miqtë që të na ndihmojmë dhe arritëm punën me sukses të plotë”, ka shpjeguar Lindgren, transmeton Albinfo.ch.

Receta për këtë torte përmbante 44.5 kilogramë sheqer, 3.56 kilogramë miell, 62.3 kilogramë bollgur dhe 89 kilogramë jogurt. Torta më pas u mbulua me krem prej 26.7 kilogramësh dhe 35.6 kilogramë dredhëzash – në mesin e shumë produkteve të tjera.

https://www.youtube.com/watch?v=10eNggVdfrQ